الشروط والأحكام
آخر تحديث: 31 أكتوبر 2026
عام
هالشروط بتنطبق عالطلبات والحجوزات اللي بتنعمل من موقع albaitalshami.com، ولما تبعت الطلب يعني إنك موافق عليها. الأسعار بالدرهم الإماراتي وممكن تتغير، والسعر اللي بيطلع وقت ما تبعت الطلب هو المعتمد.
التأكيد
طلبات البوفيه الخارجي ووجبات الشركات وحجوزات الطاولات بتتأكد بس بعد ما يتواصل معك فريقنا أو توصلك رسالة تأكيد. إذا صنف أو تاريخ أو كمية ما كانت متوفرة، منقترح بديل أو منعتذر عن الطلب ومنبلّغك.
البوفيه الخارجي ووجبات الشركات
- لازم الطلب ينعمل قبل الموعد بالمدة المكتوبة بصفحة الطلب.
- فيك تشوف طلبك وتطلب تعديل من رابط طلبك لحد 72 ساعة قبل الموعد. بعدها التعديل بيكون بالتلفون وحسب الإمكانية.
- الإلغاء: بلّغنا بأسرع وقت. الإلغاء قبل أقل من 72 ساعة من الموعد ممكن ينحسب عليه الأكل والتجهيزات اللي انعملت.
- الطاولات والكراسي والشفنديشات وباقي التجهيزات ملك المطعم. الرجاء الحفاظ عليها، وأي قطعة بتخرب أو بتضيع ممكن تنحسب.
- الرجاء تعطينا العنوان والموقع ورقم التواصل الصح، وتتأكد إنو المكان جاهز لفريقنا بالوقت المتفق عليه.
التوصيل
أوقات التوصيل تقريبية وممكن تتغير حسب الزحمة أو ضغط الطلبات. الرجاء تتأكد من طلبك وقت الاستلام وتبلّغ السائق بأي مشكلة.
حجز الطاولات
الطاولة المحجوزة بتضل محجوزة لنص ساعة بعد موعد الحجز، وبعدها ممكن تنعطى لضيوف تانيين.
الدفع
الدفع كاش أو بالبطاقة عند التوصيل أو بالمطعم، إلا إذا اتفقنا غير هيك. كوبونات الخصم إلها شروطها (الصلاحية، عدد مرات الاستعمال، والخدمة اللي هي إلها)، وكل طلب بياخد كوبون واحد.
الحساسية
مطبخنا بيستعمل المكسرات والألبان والغلوتين والسمسم والبيض ومواد تانية بتسبب حساسية. إذا عندك حساسية الرجاء تكتبها بالملاحظات وتتواصل معنا قبل الطلب.
التواصل
لأي سؤال: +971 4 282 6665 · info@albaitalshami.com